Wszystko z umiarem

SCENARIUSZ „WSZYSTKO Z UMIAREM”

SCENA 1
ZAPOWIEDŹ LEKTORA:
Downo, downo tymu na zamku w Cieszynie żyła se przepiekno ksiyżniczka Dorka ze swojóm świtóm. Przefajne ci to było dziołuszysko, chocioż nieboga sierotóm była bo matuje i łojca wcześnie śmierc nawiedziła. Dorka dycki o rodzicielach swoich pamiyntała a na kyrchofie ich czynsto odwiydzała. Sierotke niboge potka zaś doglóndała. Jako że potka kapke czrami sie parała to ji przepowiedziała, że przidzie po nióm z sómsiednij dziedziny galan przefajny, co ji go bydóm w całym ksiynstwie cieszyńskim panny zowidziec. Ale galan tyn bydzie mioł jedyn defekt…
KURTYNA
/lektor znika ze sceny, odsłania się kurtyna a tam: na wieży Dorka wyczekuje na coś , z dala nadchodzi, a właściwie nadjeżdza na koniku książę Roch z sąsiedniego grodu/
SCENA 2
Rycerz:
Witej przezacno krasawico. Przepiekne twoji lico blyszczy tak mocno, że spac się nie do nocą. O twoji urodzie godali wczora w gospodzie. Tóż ech czym pryndzyj tu przibiyg, co by mie kiery nie ubiyg
Dorka:
Tóż witóm cie pieknie szlechetny rycerzu…/ZDZIWIONA/ale podziwac żeś się na mie prziszoł??
R/Z DUMĄ/:Nie podziwac ale pokozac. Co bys wiedziała jaki szykowny amant ci się trafił!
D: Nie deli jako wczora żech słyszała, że przebiyrosz we frelkach ani we fuseklach... a przi tym nic robic nie umiysz. Łod rana do wieczora yny sie mizdrzisz przed zdrzadłym
R: Robic bydym na starośc! Teraz, kie żech je piekny i młody robote swojóm szanujym. Robota przeca nie zajónc- nie uciecze!
D: Na tóz robota możne i nie zajónc, ale wiecznie módy nie bydziesz!A wiysz przeca, że czego Jaś się nie nauczy tego Jón umiec nie bydzie! Co kierej frelce po takim boroku, kiery nic zrobic nie umiy?!
R: Tóż ty godosz, ze jo nic nie umiym?! A kiery wszystki gynsi na podgrodziu wystrzyloł, co by za miedze nie lazły a zwady nie robiły??
D/z przerażeniem w oczach/: Ty sto był???
R:A kiery poprzezwracoł wszystki łostropce ze sianym ??.../dumny/w nocy my to z kamratami zrobili co by wóm łod rana pieknie sianko schło!!
D:/do siebie/: Pón Bóczku dzierż mie bo zaroz z tej wieży zlecym /do Rycerza:/Prawie jak najwiynkszo ulywa była …
R:/ nie słucha Dorki tylko dalej się przechwala/ Hah a kiery…/nie zdąży dopowiedziec bo wtrąci się Dorka/Człecze ty jedyn szalóny!! Rozumu ni mosz czy co??
R: Jakóż to??
D: Tóż ty nie widzisz , że wiyncyj szkody niż pożytku zdziałaosz?? Tóż ty żeś ...